КУРТИ ОД САМИТОТ: Обвинителот и судијата кои дадоа налог за вчерашната полициска акција се Срби, да не се политизира борбата против криминалот
Објавено во: Балкан 14 Октомври, 2021
На самитот на Западен Балкан организиран од Економист, косовскиот премиер Албин Кутри беше прашан за инцидентот кој вчера се случи во неколку косовски градови, односно дали тој како премиер презема одговорност за овој случај.
Тој кажа децидно дека станувало збор за акција за гонење на криминал и корупција.
„Српските и албанските криминалци доста добро соработуваат меѓу себе, тоа треба да се знае. Ние ќе се бориме против тој криминал по секоја цена. Треба да се се знае дека тоа беше акција за гонење криминал, како и дека судијата и обвинителот кои издадоа налог за таа акција се Срби. Исто така, полицајците кои учествуваа во акцијата, од нив голем број исто така се Срби, и меѓу повредените исто така имаше Срби“, објасни Курти.
Косовскиот премиер нагласува дека не треба да се политизира овој случај, туку дека сите држави треба да соработуваат меѓу себе во гонење на криминалот и корупцијата.
„Криминалот е многу поинтегриран од нас државите, затоа нас ни треба интеграција за да се бориме потив криминалот“, рече Курти.
Оваа изјава Кури ја даде на Самитот за Западен Балкан организиран од Економист, настан на кој групацијата Фактор е медиумски спонзор.
Н.Н.Ф.