ЛАЖНИ ПРОФИЛИ ШИРЕЛЕ ДЕЗИНФОРМАЦИИ ЗА ВОЈНАТА: Резников е сменет баш поради нив?
Објавено во: Свет 15 Декември, 2023
Разоткриена e руска пропаганда на ТикТок.
Би-Би-Си ја разоткри руската пропагандна кампања која вклучува илјадници лажни профили на ТикТок кои шират дезинформации за војната во Украина. Нивните видеа редовно привлекуваат милиони прегледи и јасно се насочени кон поткопување на поддршката од Западот.
Корисниците во неколку европски земји беа изложени на лажни тврдења дека високи украински функционери и нивните роднини купиле луксузни автомобили или вили во странство по почетокот на руската инвазија на Украина во февруари лани. Лажни видеа на TikTok одиграа улога во смената на украинскиот министер за одбрана, Олексеј Резников, во септември оваа година, според неговата ќерка Анастасија Штајнхаус, пишува Index.hr.
TikTok објави дека отстранил повеќе од 12.000 лажни сметки со потекло од Русија, вклучително и скоро 800 кои беа независно откриени од Би-Би-Си.
Користејќи комбинација од пребарувања со хаштаг и упатувања на TikTok, Би-Би-Си успеа да пронајде стотици слични видеа насочени кон десетици украински службеници. Сметките што ги објавија користеа украдени профилни слики, вклучувајќи ги и оние на познати личности како Скарлет Јохансон, Ема Вотсон и Колин Фарел. Во видеата имало јазични грешки иако објавите биле на руски јазик. Инаку, имаше видеа во кои се тврди дека Украина мобилизира бремени жени за војување, што се покажа како неточно.foto EPA-EFE/MYKOLA TYS