ЛДП ВЕЧЕРВА ЌЕ РАСПРАВА КОЈ Е ОДГОВОРЕН ЗА ИЗБОРНИТЕ РЕЗУЛТАТИ - Централниот одбор е свикан на иницијатива на претседателката Зајкова
Објавено во: Македонија 30 Мај, 2024
Вечерва во хотелот Континентал, во 19 часот ќе се одржи Централен одбор на на ЛДП, на иницијатива на претседателката Моника Зајкова, а како што говорат сознанијата на Фактор, главни точки кои ќе се разгледуваат се на тема избори, како и за одговорноста за резултатите, но и насоки за понатамошно делување на партијата.
Како што е познато, лидерката на ЛДП, Моника Зајкова, беше коносител на изборната листа на коалицијата со СДСМ во Изборната единица 1, заедно со лидерот на СДСМ, Димитар Ковачевски, каде покрај нив двајца, влезе уште една пратеничка од таа партија.
Со прегласувањето имаше надеж дека и Боби Мојсовски од таа партија би можел да добие пратеничко место, но тоа не се случи.