Лековите на „Плива“ се безбедни, ја минаа американската контрола

Добивај вести на Viber

Производите на хрватската фармацевтска компанија Плива се безбедни, заклучила инспекцијата на американската Агенција за храна и лекови(ФДА), која нема забелешки ниту во производството на активни фармацевтски суровини ниту за производството на готови лекови. Основната задача на инспецијата била да утврди дали производите што се производуваат во погоните на Плива во Загреб и Савски Мароф се во согласност со светските стандарди, а како што наведуваат од компанијата, одобрувањето од ФДА во Плива доаѓа по повеќето од десетина успешно завршени инспекции оваа година и примени одобренија од други регулаторни агенции како и инспекциите кои ги поминале и партнерите на Плива. - Успешно завршената инспекција од ФДА е уште еден во низата докази дека производствени процеси на Плива припаѓаат на самиот врв на светските технологии, а благодарение на нашите стручни кадри, највисоките стандарди за квалитет секогаш се на прво место,  истакна Тихомир Орешковиќ, претседател на Управата на Плива. Плива е единствен произведувач на активни фармацевтски суровини и лекови во Хрватска кој поседува одобрение од ФДА, а од 1965 година, редовно е контролирана повеќе од дваесет пати. Освен од Американците, производството на Плива редовно ги контролираат инспекциите на странските регулаторни компании како европската (ЕМА), јапонската (ПМДА), корејската (КФДА), но и хрватската регулаторна агенција (ХАЛМЕД).