Летнува првиот авион на „Ер Србија“ – компанијата на српската влада и арапската Етихад

Добивај вести на Viber

За денеска е закажан летот на првиот авион „Ер Србија“(Air Serbia), кој ќе го направи првиот тест лет. Според најавите од Белград, летотќе биде следен од страна на авионите на српската армија. По тој повод, српската армија ќе спроведе активности во рамките на редовната обука за лет и пратење на цивилно летало. Локации над кој ќе биде можно да се види авионот се Калемегдан, Авала и Ушче, стои во соопштението од Министерството за одбрана. Првиот авион Ербас А319 на „Ер Србија“ слета пред два дена на белградскиот аеродром Никола Тесла. Леталото на новооснованата компанија долета од Дизелдорф каде што беше на фарбање и е првиот авион на авиокомпанијата кој што е изнајмен за нејзини потреби. Компанијата Air Serbia почнува официјално да работи на 26 октомври, кога е планиран лет за Абу Даби. Формирана е како заедничка компанија на српската влада и националната авиокомпанија на Обединетите арапски емирати, Етихад. Како што изјави претходно потпретседателот на Владата на Србија и лидер на СНС, Александар Вучиќ ова ќе биде најмодерниот авион, со ентерир поубаво уреден од најдобрите светски компании.