Лидерот на Крим им се закани на украинските борци дека со синџири ќе ги спроведе низ Мариупол
Објавено во: Свет 29 Април, 2022
Од Крим стигна закана за украинските борци во Мариупол. Лидерот на Крим, Сергеј Аксјонов им се заканил на украинските екстремисти дека со синџири ќе бидат спроведени низ градот Мариупол, пишуваат агенциите.
Претходно рускиот претседател Владимир Путин изјавил дека властите во Киев се обврзани да им наредат на украинските војници да го положат оружјето во фабриката Азовстал во Мариупол. Рекол дека на воените затвореници им се гарантира живот, медицинска помош и лекување.
Украинец од градот Мариупол чиј идентитет не е откриен, вели дека доброволно се предал затоа што сите си заминале.
Борбите за Мариупол започнаа на 25 февруари, а за време на борбите градот беше целосно блокиран.
foto EPA