ЛИМИТ ЗА АДМИНИСТРАТИВКИТЕ: Забранети подароци поскапи од 1000 денари
Објавено во: Економија 07 Март, 2016 21:40
Вработените во јавниот сектор не смеат да примаат скапи подароци за 8-ми март. Според новиот закон за вработените во јавниот сектор, учителките, докторките и сите жени во администрацијата не смеат да примаат подароци поскапи од 1000 денари.
Буџетарите не смеат да примаат подароци поврзани со нивната работа, не само за Меѓународниот ден на жената 8 Март туку воопшто.
Според законот, од една иста личност вработените во јавниот сектор можат да примат подарок од пониска вредност најмногу трипати во годината, а вкупната вредност не смее да биде над 3 000 денари.
Забраната важи и за сите даватели на јавни услуги: вработените во здравството, културата, во полицијата, војската, царината, во градинките, социјала. Исто така, важи и за сите вработени во локалната власт и во јавните претпријатија.
Доколку утре, за 8 Март, децата или нивните родители инсистираат учителката да прими скап подарок, тогаш таа ќе може да го земе, ама нема да смее да го носи дома.
Скапите подароци ќе треба да останат во училиштето. Школите и сите други буџетски институции ќе треба да водат посебна евиденција на сите примени подароци, нивната вредност, како и од кого е подарокот.
Можеби ќе ве интересира
ЕУ ОДОБРИ ПОМОШ ЗА УКРАИНА: Што се случува со цените на златото и пченицата?
Како вештачката интелигенција навистина влијае на пазарот на трудот?
Најголемото наоѓалиште на злато досега – илјадници тони скриени на 1.900 метри
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
ЕВЕ КОИ ЛИЦА ЌЕ БИДАТ ДЕЛ ОД УО НА ЦЕНТРАЛНА КООПЕРАТИВНА БАНКА - добиена е согласност од Народна банка
