ЉУПЧО НИКОЛОВСКИ: Антикорупциска ги доби трите ката од најдобрите простории со кои располага државата

Добивај вести на Viber

Вицепремиерот Љупчо Николовски вели дека Државната комисија за спречување на корупцијата добила три ката од најдопбрите простории со кои располага државата. 

„На вчерашната владина седница соопштивме со одлука дека Државната комисија за спречување на корупцијата доби три ката во најдобрите простории со кои моментално располага државата, преку Службата за општи и зеднички работи“, рече вицепремиерот задолжен за борба против корупцијата, Љупчо Николовски. 

Според информациите на Фактор, станува збор за зградата која е лепенка до седиштето на СОЗР. Односно, објект кој се наоѓа близу до Црквата Света Богородица.

Според него, СОЗР е дел од Владата, а просторот кој го доби ДКСК е на акционерско друштво кое си има сопствени кредити и давачки.

„Таму решававме еден проблем кој е наследен од едно режимско време. Меѓутоа, во ниту еден сегмент, ниту единствен ден не останавме неактивни во делот на борбата со корупцијата. Јас, на новата позиција која ја имам, се вложив максимално ДКСК да ги добие просториите. Утринава повторнио имав состанок со нив. Тие веќе навлегуваат во постапките. Значи, ДКСК веќе навистина ќе биде сместена во репрезентативни, убави, одлични услови, за кои се обезбедени и средства за реновирање. Обезбедени се и средства за софтверот, за кои имате право, во минатиот период не биле обезбедени средства, бидејќи влегле и во разговори и договарања за меѓународна помош за поддршка на софтверот. Јас на први септември, на првиот ден од мојот мандат, кажав дека проблем е неповрзаноста на ДКСК со останатите институции и ако сакаме да имаме ефикасна и бескомпромисна борба, која нема да зависи од човечкиот фактор, треба да ги ставиме на располагање на овие работи“, ртече Николовски.

Според него, буџетот на ДКСК е дуиплиран, и тој проблем се надминува. 

„Денеска дури и разговаравме за искуствата на ДКСК за слабостите на новиот закон од 2019 година, како и формирање работна група со министерот за правда, за да ги отстраниме сите слабости со кои се соочуваат членовите на комисијата“, рече вицепремиерот за борба со корупцијата.

Н.Н.Ф.