24 Септември, 2020
0.0236

Љупчо Николовски и Артан Груби главни „ѕвезди“ во преговорите викендов

Објавено во: Македонија 15 Август, 2020

Преговорите за формирање Влада продолжуваат викендов помеѓу генералните секретари на СДСМ и ДУИ - Љупчо Николовски и Артан Груби, откако во четвртокот претседателот на државата Стево Пендаровски му го довери мандатот за формирање влада на лидерот на СДСМ Зоран Заев. Сега Заев има рок од дваесет дена од добивањето на мандатот за консултации за формирање нов состав на Влада.

Во меѓувреме ДУИ соопшти дека разговорите за формирање владина коалиција со СДСМ се одвиваат на различни партиски нивоа.

– Потврдени се принципите врз кои ќе се заснова следната влада, и тие и беа соопштени на јавноста неколку пати. Се подготвуваме за следните чекори, како што се изработката за детална програма за работа и дефинирање предлози со соодветни, подготвени, чесни и способни кадри, информираат од ДУИ.

Според „Интегративците“, овој пристап ќе доведе до конечен договор и Влада со целосен четиригодишен мандат, која ќе биде изгласана во Собранието, ќе им служи на сите граѓани подеднакво и ќе продолжи партнерството со евроатлантските сојузници.

Николовски вчера категорично ја демантираше пласираната вест дека договорено е Насер Зибери да биде една година премиер, плус ДУИ да ги раководи Министерството за внатрешни работи и Управата за јавни приходи.

- Медиумската слобода е тука, но нека се користи на прав начин и за добро, не за ширење лажни вести за кликови и рејтинг. За подобро утре на сите нас, да бидеме сите малку попрофесионални во своите дејности, наведе Николовски во дел од својата реакција.

Тричасовна средба во четвртокот попладне, по врачувањето на мандатот, имаа лидерите на двете партии Али Ахмети и на СДСМ Заев, која беше оценета во заедничкото соопштение како конструктивна и продуктивна и на која биле постигнати основи за напредок кој води до коалиционен договор за нова, европска Влада посветена на европските интеграции, на економијата, еднаквоста и на владеењето на правото. На средбата присуствувале и генералните секретари Љупчо Николовски и Артан Груби.

Во соопштението беше најавено дека разговорите меѓу двете партии ќе продолжат во текот на викендот на ниво на генерални секретари.


Можеби ќе ве интересира

Каракачанов со нова провокација: Бугарија ќе каже „не“, Македонија не е искрена

Каракачанов со нова провокација: Бугарија ќе каже „не“, Македонија не е искрена

АПАСИЕВ ЗНАЕ И ДА ПОФАЛИ - премиерот, рака на срце, вчера го ислушал во Собранието

АПАСИЕВ ЗНАЕ И ДА ПОФАЛИ - премиерот, рака на срце, вчера го ислушал во Собранието

Избрани замениците министри, се финализираат директорите: Еве кои ги избра ДУИ

Избрани замениците министри, се финализираат директорите: Еве кои ги избра ДУИ

Куртули од „шамарите во Центaр“ - Даниела Рангелова е ослободена од обвинението

Куртули од „шамарите во Центaр“ - Даниела Рангелова е ослободена од обвинението

Во Скопје нема да има настава со физичко присуство во ниту едно основно училиште, пред комјутери и средношколците

Во Скопје нема да има настава со физичко присуство во ниту едно основно училиште, пред комјутери и средношколците

Жерновски се прости од МНР и Владата: Му благодарам на Заев за шансата

Жерновски се прости од МНР и Владата: Му благодарам на Заев за шансата

По Вице, сега и Зоран Заев „го влече“ Николоски по судови

По Вице, сега и Зоран Заев „го влече“ Николоски по судови

ВОНРЕДНА ПРОГНОЗА: Циклон кон Македонија, од викендов драстична промена на времето

ВОНРЕДНА ПРОГНОЗА: Циклон кон Македонија, од викендов драстична промена на времето

Нема судење, Боки 13 повеќе од две недели во болница

Нема судење, Боки 13 повеќе од две недели во болница