ЛОШИ ДЕНОВИ ЗА ЗЛАТОТО: Со каква цена ја испрати седмицата?
Објавено во: Економија 26 Декември, 2016
Златото ја испрати седмата последователна недела со пад.
Во петокот на платформата Comex во Њујорк златото поскапе со 2,90 долари (0.26%) до 1 133,60 долари за унца, што сепак остана недалеку од 11-месечното дно, постигнато на 15 декември. Тогаш златото поевтини до 1 124,30 долари за унца.
Неделните фјучерси на златото со испорака во февруари поевтинија за седмицата со 3,80 долари (0,33%), што е седма по ред губитничка недела или најдолгата серија од 12 години.
Цените на благородните метали се намалија драстично по изборот на Доналд Трамп за претседател на САД, главно поради поскапувањето на американскиот долар. Така златото губи својот сјај, бидејќи не носи принос.
Благородните метали реагираат при динамика на каматните стапки во САД.
Среброто ја испрати седмицата на ниво од 15,75 долари за унца, иако неделниот пад изнесува 2,8% (29,6 центи).
Бакарот поевтини во петокот до 2,479 долари за унца, а неделниот пад е околу 3,5%.