Добивај вести на Viber
Германската економија, во вториот квартал има раст од само 0,4 отсто. Тоа, како што се додава во агенциските вести е побавно, во однос на неочекувано силниот раст од првото тримесечие од 0,7 отсто.
На годишна основа, економскиот раст во Германија е околу 3 %, што пак е највисоко зголемување од пред пет години, иако делумно, спред германските статистичари тоа се должи на повеќето работни денови во односниот период.
Сепак Македонија би требало да е загрижена секогаш кога на германската економија не и оди најдобро. Германија е најзначајниот трговски партнер на Република Македонија затоа што 20 проценти од извозот на Македонија оди токму во Германија. Германија е една од ретките земји со кои Македонија има суфицит.
Германија e значаен инвеститор во Македонија изразен низ повеќе крупни инвестиции на германски компании како што се „Кромберг и Шуберт“ и „Дрекслермајер“ кои што од неодамна работат во Македонија и остваруваат извоз.