Лотарија на животот: Каде е најдобро да се роди човек во 2013-та?

Добивај вести на Viber

Каде е најдобро да се роди човек во 2013 година? На ова прашање побарале одговор британските експерти од „Economist Intelligence Unit“. Тие ја составиле светската рејтинг листа на која се најдоа 80 држави во кои новородните деца ќе имаат најдобри можности за успех и полесен живот. На прво место се најде Швајцарија, а веднаш до неа се Австралија, Норвешка и Данска. Ако во Швајцарија или во скандинавските земји е тешко да родите, насочете се кон Австралија, препорачуваат експертите. Земјата на кенгурите е втора на листата, а на шестата и седмата позиција се соседните Сингапур и Нов Зеланд. На 9-то место е Канада, а на последно место во Топ 10 е Хонгконг. Македонија ја нема на листата. Од земјите во регионов прворангирана е Словенија  32. место, Хрватска на 46.место, Србија 54-та и Бугарија која се најде на 61-вото место. Во првите десет најдобри држави има неколку европски држави, но само една од еврозоната и тоа Холандија, поставена на 8-то место. Земјите од еврозоната, кои се соочуваат со големи економски проблеми, се најдоа главно во втората и во третата десетка. Пред четвртина век, кога „Economist Intelligence Unit“ за прв пат составува листата на земјите кои имаат најголем потенцијал на среднорочен план, САД го заземаат првото место. Токму во таа држава беше најдобро да се родите во 1988 година. Југославија тогач се најде на втората половина од листата. Во изминатите години, поставеноста на силите на политичко-економската карта на светот значително се менува, велат британските социолози. Значи парите се навистина важен услов за среќата, тврдат истражувачите, но важна улога играат и други фактори. Поради тоа САД, кои претходно беа на чело на листата, овој пат се наоѓаат на 16-то место, кое го делат со Германија. Последни на листата се најдоа Украина, Нигерија и Кенија. Во прилог последната листата на најдобри држави за раѓање дете во 2013-та, a а веднаш под неа за споредба листата направена од „Economist Intelligence Unit“ во 1988 година.