“ЛУКОИЛ Македонија” повторно прогласена за најдобра фирма-ќерка на Лукоил надвор од Русија

Добивај вести на Viber

Групацијата „ЛУКОИЛ” - една од најголемите меѓународни нафтено-гасни компании ја прогласи компанијата „ЛУКОИЛ Македонија” за најдобрa компанија помеѓу своите фирми-ќерки кои оперираат во триесет земји од светот, надвор од Русија. Со решение на раководството на Компанијата „ОАД ЛУКОИЛ”,  ЛУКОИЛ Македонија ДООЕЛ Скопје по вторпат се здоби со признание за „Најдобро претпријатие за 2013 година“. За изминатите 9 години, колку што „ЛУКОИЛ Македонија” постои на пазарот, ова е втора награда од ваков тип, со која се валоризираат успехот и достигнувањата во работењето, квалитетот на услугите,  проширувањето на мрежата и финансиските резултати. Првпат признание од ваков тип компанијата ЛУКОИЛ Македонија доби во 2011 година. Истата година компанијата ЛУКОИЛ Македонија ги пласираше на пазарот новите горива „ЕКТО“ од ЛУКОИЛ. „ЛУКОИЛ Македонија” го зголеми бројот на бензински станици во земјава и денес тој изнесува 26.  Ова е период кога стануваат видливи и впечатливи резултатите од повеќегодишниот труд во Македонија. Во досегашното работење во Македонија “ЛУКОИЛ” наметна нови и повисоки стандарди  на работа во нафтениот бизнис и во изградбата на бензинските станици, со што позитивно влијаеше врз промената на концепцијата и подобрување на конкуренцијата на пазарот, велат од компанијата. „Оваа награда за нас е комплимент но, и обврска да бидеме иновативни и подобри“, изјави по овој повод генералниот директор на “ЛУКОИЛ Македонија” Андреј Куку. Светскиот познат бренд  “ЛУКОИЛ”  - една од најголемите меѓународни нафтено - гасни компании, денес обезбедува 2,2% од светската нафта.