Луксузното Bentley MULSANNE отсега достапно и на македонскиот пазар

Добивај вести на Viber

Bentley MULSANNE, незаменлив луксуз со беспрекорни перформанси и удобност Со мотор како на авион и удобност на луксузна јахта Луксузната и престижна лимузина - Bentley MULSANNE  деновиве пристигна во салонот на Порше Македонија. Станува збор за најновата изведба на овој модел од Grand Tourer класата, најверојатно и единствената лимузина од овој тип на Балканот. Задржан е иконскиот 6,75 l, V8 мотор, со моќност од 505 коњски сили, кој за разлика од другите модели е полесен и модифициран со цел да ја зголеми економичноста. По своите беспрекорни перфоманси Bentley MULSANNE може да се спореди со моќноста на авионите, додека со незаменливиот луксуз и удобност со најлуксузните јахти. Она што го разликува од другите луксузни возила е персонализацијата, односно можноста идниот сопственик да учествува во неговото креирање. Имено, купувачите имаат избор од 114 бои на каросерија, 21 боја за внатрешноста, 9 варијанти на дрво и 24 видови на кожа. Сопственикот има можност возилото да го обликува по сопствен вкус па затоа  изработката на еден ваков  автомобил трае просечно 9 недели. Следно што треба да направи идниот сопственик е да ја избере униформата на својот возач, бидејќи ваквата лимузина тоа го бара! Bentley MULSANNE е автомобил - лимузина за уживање! Наменет за најголемите хедонисти, за луѓе со истенчен и софистициран вкус, кои не сакаат компромиси туку го бараат најдоброто и најсовршеното за себе. Луѓе кои знаат што сакаат и се подготвени да инвестираат цело богатство за тоа. Овој модел овозможува многу повеќе од задоволство, тој е исполнување на сонот на најстрасните љубители на лимузините. Bentley MULSANNE е долг дури 5,575 метри, широк 2,2 метри и висок 1,5 метар. Тежок е 2600 килограми. Името MULSANNE е добиено по најдолгиот свиок од познатата тркачка патека Ле Ман во Франција.  Bentley кај својот модел знаменосец - MULSANNE, кој своето деби го имаше на престижниот Авто - Саем во Женева воведе голем број на нови луксузни карактеристики. Многубројните нови функции за удобност – вклучувајќи ги специјално дизајнирани потпирачи за глава и нозе во продолжение на седиштата  како и удобните перници на задната клупа ја потврдуваат репутацијата на MULSANNE  како вистински автомобил по мерка на корисниците во Grand Tourer класата. Новите измени вклучуваат завеси за приватност во задниот дел од возилото што овозможува уште подобар одмор или подобри услови за работа на патниците во текот на патувањето. Новости во кабината се и делот за чување на предмети и потпирачите за раце на задните врати. Овој покриен дел, на секоја задната врата, е погоден за оставање на мобилни телефони, лични предмети или Bluetooth слушалки. Новиот   “Infotainment “ систем  е опремен со најнова технологија со што кабината на MULSANNE станува вистински Wi-Fi Hotspot. Конекцијата се состои од Wi-Fi рутер,  универзален мобилен телекомуникациски систем (UMTS), телефонски модул и SIM читач на картичка обезбедувајќи безжичен постојан интернет пристап до кој може да се пристапи од осум Wi-Fi уреди истовремено. Вградени се  осум инчни LCD екрани, 20 GB хард диск и DVD плеер, кои се поврзани преку "‘Naim for Bentley" врвниот  аудио систем,  додека две групи на bluetooth слушалки и далечински управувач се во рацете на патниците. "Новите функции на MULSANNE се комбинација на впечатлив дизајн со најнови технолошки достигнувања, кои му овозможуваат на нашиот врвен модел да понуди најдобро искуство на патот. MULSANNE е одраз на незаменлив луксуз, беспрекорни перформанси и удобност, а овие подобрувања ќе обезбедат неверојатно искуство за клиентите" - изјави г-дин Кевин Роуз,  член на Одборот за продажба, маркетинг и постпродажни активности, коментирајќи ја новата палета на опции на MULSANNE.