Мајката е цело време со нив, двете деца лесно дехидрирани

Добивај вести на Viber

Децата кои беа пронајдени во затворен автомобил во наслебата Ново лисиче синоќа се во добра состојба и најверојатно денеска ќе бидат пуштени од болница, изјавија од одделот за пулмологија. Двете деца едното машко на возраст од четири години, другото женско седумгодишно, брат и сестра, во Клиниката биле донесени лесно дехидрирани, во свесна состојба, со сите стабилни параметри.

„Беа задржани на опсеравација, направени се рутински лабораториски анализи и е утврдено дека се во добра состојба, па се планира нивно пуштање од клиниката во текот на денешниот ден. Со оглед на тоа што се во добра состојба не гледам дека би имало какви било последици на нивниот развој оваа ситуација, велат од клиниката.

Според информациите децата биле донесени на Клинички во 23 часот со возило на Итна служба, со полициска придружба, но мајката подоцна, а и сега цело време била присутна со нив. Се тврди дека биле со валкани алишта, но лесната дехидрација наводно не е последица на долго седење во автомобилот „алфа“, во кој беа пронајдени.

Контактиран е Центарот за социјални грижи кој ќе утврдува како ќе се постапува со децата и со родителите. 

Синоќа во 21.30 граѓани ги пронајдоа двете деца во затворен автомобил. По кршењето на прозорецот децата биле пренесени во болница, а полицијата ги нашла и родителите.