Македонци и Бугари се казнуваат во Грција за носење туби со бензин
Објавено во: Балкан 23 Август, 2024 10:23
Грчки полициски екипи проверуваат можен нелегален увоз на бензин и друго гориво во туби по преминувањето на грчката граница, објави бугарски БНР.
Во зависност од количината на нелегално увезено гориво, следува парична казна, одземање на горивото, но и одземање на возилото. Толкувањето е дека автомобилот се користи за нелегален увоз на акцизна стока.
Грчките власти се особено строги поради опасноста од пожари. Според пишувањата на медиумите кај нашиот јужен сосед, повеќето од казнетите се за државјани на Македонија и Бугарија, како и Грци кои пристигнуваат од соседните земји каде горивото е многу поевтино отколку во Грција.
Надлежните открија и случаи на увоз на дизел гориво во канистри, кои потоа се продаваат на земјоделците.
Тутунските производи и алкохолот мора да имаат бандерола, дури и ако се внесуваат дозволените количини. Во спротивно предметите се одземаат, а превозниците се казнети.
Можеби ќе ве интересира
Вјоса Османи се пофали дека уште една земја го призна Косово
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
