МАКЕДОНИЈА ИЗГУБИЛА ШЕСТ ИЛЈАДИ КОМПАНИИ ЗА ТРИ ГОДИНИ: се намалил бројот на деловните субјекти
Објавено во: Економија 03 Јануари, 2024
Во период од три години бројот на активни деловни субјекти во земјава се намалил за скоро шест илјади компании или точно 5.490 фирми. Ова го покажуваат податоците објавени во анализата на Државниот завод за статистика насловена „Регионите во Македонија“.
Бројките откриваат дека во 2019 година сме имале вкупно 75.914 активни компании, но веќе во 2021 година нивниот број паднал на 70.424 компании.
Податоците говорат дека има намалување и кај големите компании, кои вработуваат над 250 лица. Па така во 2019 година имало 232 големи фирми, додека во 2021 година 226.
Најголемо намалување има кај компаниите кои бројат до десет вработени лица. Па бројот на овие компании од 61.265 се свел на 58.124 компании. Очекувано е во оваа група да има најголемо намалување бидејќи во оваа категорија има најмногу компании.
Но, бојките покажуваат дека има намалување во секоја категорија. Па така кај компаниите без вработени има намалување од 2,394 компании, кои од 7.565 спаднале на 5.171 компанија.
Се намалил и бројот на компани кои имаат до 50 вработени од 2.237 компании во 2019 година, во 2021 се намалиле на 2.168 компании.
Единствено раст е забележан кај компаните кои бројат до 20 вработени, и кај компании кои бројат од 50 до 250 вработени.
Па во категорија до 20 вработени од некогашните 3,211 компании, во 2021 година имало 3.268 компани.
Додека во категорија на компании кои имаат од 50 до 250 вработени во 2019 година имало 1.404 компании, додека во 2021 година имало 1.449 вакви компании.
Од статистика посочуваат дека најголем дел од компаниите функционираат во скопскиот регион, кој е и најразвиени регион во земајта.
- Според дефинитивните податоци на Државниот завод за статистика, во Македонија во 2021 година има 70.424 активни претпријатија. Податоците за структурата на активните претпријатија по региони покажуваат дека најголемо учество има Скопскиот Регион со 38,6 отсто, а најмало учество има Североисточниот Регион со 5,8 проценти – се наведува во нивната анализа.
Бројките покажуваат дека во Скопје функционираат 27.218 компании, и тука се лоцирани најголем делод големите компании со над 250 вработени, дури 140 од нив.
Полошкиот регион е втор на листата со најмногу компании, но далеку зад скопскиот регион. Таму се активни 8.460 активни компании.
Потоа следува Пелагонискиот регион со 7.417 активни деловни субјекти. А во овој регион има и 25 активни големи компании.
П.О.
Фото: Unsplash
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
Катар ервејс размислува да ги преземе поранешните А330 на Американ ерлајнс
UNIQA Insurance Group AG го продава осигурителниот бизнис во Македонија, Косово и Албанија: Новиот сопственик е Авни Понари сопственик на SIGAL Group Austria
Бизнисот за финансирање има уште само 15 милиони евра пари од странство додека се чека унгарскиот кредит
СТОКАТА СЕ ПОВЕЌЕ СЕ ПРЕНЕСУВА СО КАМИОНИ МЕСТО СО ВАГОНИ – тројно намален превозот по пругите
ДАЛИ ЕТИАС ГАРАНТИРА ВЛЕЗ ВО ЕВРОПА? Ќе се „чешлаат“ апликантите, еве дали ќе добијат дозвола да влезат
„БАЛОНОТ ЌЕ ПУКНЕ“: Познат инвеститор предупредува дека претстои голем колапс на берзата
ОВОЈ ЈУГОСЛОВЕНСКИ МОДЕН ГИГАНТ СЕ СРАМНУВА СО ЗЕМЈА: И Јованка Броз им ги носеше чантите, а имаа 1.300 вработени
БОЖИНОВСКА ГО НАЧЕКАЛА ЕСМ СО МИНУС ОД 80 МИЛИОНИ ЕВРА: Вели дека во МЕПСО бил вработен несоодветен кадар
ДЕКАТЛОН ВО ОФАНЗИВА - ИНВЕСТИРА 100 МИЛИОНИ ЕВРА ЗА ПРОШИРУВАЊЕ ВО ГЕРМАНИЈА: Ќе има над 150 продавници до 2027
