МАКЕДОНИЈА: Косово нема за што да тужи, субвенциите за авиобилети не го кршат европското право!

Добивај вести на Viber

Македонските власти сметаат дека немаат основ најавите на официјална Приштина дека ќе покрене тужба за субвенциите во авиосообраќајот што ги нуди Македонија, затоа што истите ја нарушуваат конкуренцијата. Во однос на информациите дека Косово ќе ја тужи Македонија заради субвенционирање на авиокомпании, Министерството за транспорт и врски информира дека постапката за доделување на финансиска поддршка на домашни и странски авиопревозници беше внимателно анализирана пред да биде спроведена и истата е во согласност со европското законодавство и принципи. „Исто така, Уредбата за доделување на финансиска поддршка на домашни авиопревозници и постапката за доделување на финансиска поддршка се во согласност со насоките на Заедницата за финансирање на аеродроми и почетна помош на авиопревозници кои оперираат од регионалните аеродроми (Community guidelines of financing of airports and start-up aid to airlines departing from regional airports (2005/C312/01)). Министерството за транспорт и врски, на барање на Министерството за инфраструкура на Косово уште во 2012 година испрати допис во кој се образложени меѓународните правни норми врз основа на кој се спроведува проектот за доделување на финансиска поддршка за авиопревозници, од каде е јасно дека не е прекршено европското законодавство“, нагласува ресорното Министерство. Владата на Република Македонија најавува дека и во наредниот период ќе продолжи со имплементирање на проектот за финансиска поддршка на авиокомпании со цел зголемување на бројот на директни летови до европските дестинации и овозможување на попристапни цени за патниците во Македонија.