Македонија представена на Автомобилска конференција во Канада
Објавено во: Економија 07 Јуни, 2013
Можностите за инвестирање во автомобилскиот сектор во Македонија беа представени на годишната конференција на асоцијацијата на Канадски Производители на Авто компоненти која се одржа од 5-6 Јуни во Виндзор, Канада.
Директорот на Технолошко индустриските развојни зони, Виктор Мизо заедно со економските промотори од Монтреал и Детроит учествуваа на конференцијата каде Македонија беше присутна со национален штанд.
Како што соопшти соопштението Дирекцијата на ТИРЗ, за време на конференцијата покрај презентацијата на инвестициските можности во Македонија, беа остварени контакти и средби со најголемите канадски производители на авто-компоненти Magna International, Martinrea, Linamar, Valiant, Naemco Group, како и познати американски и германски компании од оваа индустрија.
- И покрај намаленото производство и продажба на возила на европскиот пазар, неколку компании изразија конкретен интерес, побараа подетални информации или најавија посета на Македонија со цел да ги анализираат потенцијалите за диверсификација и локализирање на нивното глобално присуство, стои во соопштението од Дирекцијата на ТИРЗ.
На конференцијата свои обраќања имаа високи представници од Крајслер корпорацијата, Форд и од Генерал Моторс кои ги презентираа светските трендови во индустријата и дадоа свои видувања за правецот каде ќе се движи секторот на среден и подолг рок.
Свои штандови за промоција исто така имаа Мексико, Тајланд, Јужна Кореа, Германија и Канада. Покрај присуството и средбите за време на конференцијата, ќе се остварат и дополнителни средби со неколку компании во Детроит со кои се водат преговори во напредна фаза за конкретни проекти и отпочнување на производство во Македонија.
Можеби ќе ве интересира
НЕМА ДОБРИ ВЕСТИ ЗА ЕВРОПА: Повеќето економисти имаат „мрачни прогнози“, еве зошто експертите на Светскиот економски форум мислат така
НОВИНИ И НОВИНИ...Николоски најавува нови авио линии, рекративно вештачко езеро, а за Градско - Дреново рече дека состојбата била очајна
УШТЕ ЕДНА ЗЕМЈА САКА ДА ВЛЕЗЕ ВО БРИКС: Земја сојузник на Путин
„ДИЗЕЛАШИТЕ“ ИТНО НА БЕНЗИНСКА, ОД УТРЕ ЌЕ ПЛАЌААТ ПОВЕЌЕ ЗА ДВА ДЕНАРИ - нови цени на горивата од Регулаторна
ЛИДЛ Е „НАЈДОБАР ВРАБОТУВАЧ“: „Вработените се во центарот на нашиот бизнис“ во Србија
ГЕРМАНСКАТА ЕКОНОМИЈА ВО РЕЦЕСИЈА - економските перформанси на земјата опаѓаат втора година по ред
М-Р АРИЈАНА КОСКАРОВА ВО „БИЗНИС-КЛУБ“: „ЗА ПРЕТПРИЕМНИШТВО ПОТРЕБНИ СЕ ИСКУСТВО ЗА РАЗВОЈ НА БИЗНИСОТ, ЕДУКАЦИЈА И ИНВЕСТИЦИЈА“
ЌЕ СЕ БИЕ ТЕШКА БИТКА ЗА НАДЗОРНИОТ ОДБОР НА „МАКЕДОНИЈАТУРИСТ“ - ова се имињата предложени од М.Г. Фешн и „Промедика“, а свои луѓе бара и „Скопски пазар“
„ГОРДОСТА“ НА ГЕРМАНИЈА НА ПРОДАЖБА: Кинезите сакаат да ги купат фабриките на Фолксваген кои компанијата ги затвора
