„МАКЕДОНИЈА ТРЕБА ДА Е ПОДГОТВЕНА ЗА СЕКАКВИ СЦЕНАРИЈА“: Груевски анализира можна војна помеѓу ЕУ и Русија

Добивај вести на Viber

Поранешниот премиер и бегалец во Унгарија, Никола Груевски во долг фејсбук-статус предупредува дека светот, а особено Европа, влегува во фаза на опасна „воена мода“. Неговиот текст е фокусиран на најлошите можни сценарија – директен судир меѓу Европа и Русија, внатрешни потреси во САД, ризик од распад на ЕУ и нови конфликти на Балканот – и завршува со порака дека Македонија мора да биде подготвена за многу поцрно сценарио од она за кое денес зборуваме.

Според Груевски, веројатноста за војна меѓу Европа и Русија „веќе не е помала од веројатноста да не се случи“. Тој оценува дека ЕУ отворено се подготвува за можен судир со Русија – со планови за повторно вооружување, заеднички фондови за одбрана, зголемени буџети за оружје и создавање „воено-планска економија“.

Вели дека воена атмосфера и психоза се градат преку жестока реторика, враќање на регрутација, воени вежби, подготовка на скривници и јавно говорење за „веројатна војна“ во рок од неколку години, а Русија, од своја страна, реагира на најавите за ракети со долг дострел и потенцијално испраќање европски војници во Украина, како на директна закана и можен повод за поширок конфликт.

Во најцрното сценарио, како што го опишува тој, влегуваме во:

- директна војна Европа – Русија, со масовно испраќање европска војска во Украина;

- ризик од употреба на тактичко нуклеарно оружје, односно нуклеарни удари со „помал радиус“ на дејство, кои би можеле да ја сменат динамиката на војната, но и да ја отворат вратата за поширока катастрофа;

- стратешки пораз на Русија како цел на дел од западните актери – од враќање на украинските територии, до потенцијална смена на власт во Москва и дури сценарија за внатрешна дестабилизација и поделба на Русија.

Груевски предупредува и на обратната страна: дека вакви цели, ако навистина постојат, ја зголемуваат опасноста од радикален одговор од Русија и влез во спирала од која тешко има назад.

Смета и дека има ризик за ЕУ - распад, нови блокови и „европски конфедерации“

Во случај конфликтот да ескалира, тој предвидува и турбуленции во самата Европска унија. Според неговото сценарио, можни се длабоки разидувања меѓу земјите членки – особено меѓу источниот и западниот дел на ЕУ, ако тие што се „на првата линија“ почувствуваат дека плаќаат највисока цена, притисок од јавноста во некои држави да излезат од ЕУ, доколку проценат дека се жртвувани за туѓи геополитички цели, но и создавање нови политички и безбедносни блокови, вклучително и можни регионални конфедерации во Централна и Југоисточна Европа.

Во таков расплет, тој не го исклучува ни ризикот од слабеење или распад на НАТО, а потоа и формирање нови воени и политички сојузи.

Во Балканот повторно гледа ризична зона. Наведува дека, доколку Европа и САД бидат зафатени со сопствени големи кризи – војна со Русија, внатрешни немири во САД – може да се отворат старите и да се активираат нови конфликтни линии на Балканот и пошироко. Како ризични точки ги спомнува: можни тензии меѓу Турција и Грција, ризици за Србија, Косово и Босна и Херцеговина, вклучително и сценарија за нови конфликти или отцепувања, како и внатрешни нестабилности во поединечни држави, со можност за политички и дури вооружени судири.

Во завршницата, се фокусира на Македонија. Неговата клучна порака е двојна, односно дека земјата треба да е подготвена за секакви сценарија: