Македонскиот банкарски сектор добро се справи со кризата
Објавено во: Економија 07 Јуни, 2013
Македонија има стабилен банкарски сектор. Добро се справи со кризата и преку адекватната поддршка на економијата помогна кризата да помине на побезболен начин отколку другите европски економии.
Ова беше истакнато на заедничката прес-конференција по одржаниот 36. состанок на Европската банкарска федерација денеска во Скопје, кој се одржа во организација на Здружението на банкарството при Стопанската комора на Македонија, а на кој се споделени искуствата на банкарскиот сектор во процесот на справување со предизвиците на европската криза.
- Македонија многу добро се справи со кризата. Економската криза не ја засега толку многу како другите европски земји. Очекуваме во 2014 година со уште поголемо темпо да се одвива развојот на државата, а при тоа банките ќе имат активна улога, истакна Гвидо Равоет, извршен директор на Европската банкарска федерација.
Очекува дека Македонија ќе ги надмине проблемите со кои се соочува при влезот на ЕУ и дека ќе стане полноправна членка на банкарската асоцијација, каде во моментов е асоцијативна членка.
Според вицепремиерот и министер за финансии Зоран Ставрески, Македонија со резултатите што ги покажува во банкарството, регулативата и начинот на кој работат македонските банки покажува и докажува дека европските директиви не се само на хартија, туку се начин како работиме и стандардите што ги постигнуваме во овој сегмент покажуваат дека Република Македонија заслужува местото во ЕУ.
- Во делот на регулативата Македонија ги практикува најдобрите меѓународни практики, базелските стандарди и се она што е регулатива во ЕУ се применува во Македонија преку прилагодување на директивите на ЕУ, истакна министерот.
Гувернерот на Народната банка на Република Македонија Димитар Богов потенцира дека банкарскиот сектор ја задржува стабилноста и дека нема никакви загрозувања и на среден рок во поглед на ценовната стабилност и во поглед на банкарската стабилност.
Јитка Пантучкова, претседател на УО на Охридска банка потенцира дека се следат препораките од Европската банкарска асоцијација и се прави се во општо добро на државата.
На состанокот во Скопје учествуваат претставници од 7 земји-придружни членки на ЕБФ (Албанија, Азербејџан, Русија, Србија, Турција, Хрватска и Црна Гора,) како и претставници од 7 земји редовни членки на ЕБФ (Австрија, Бугарија, Данска, Италија, Унгарија, Полска и Словенија).
Можеби ќе ве интересира
НОВИНИ И НОВИНИ...Николоски најавува нови авио линии, рекративно вештачко езеро, а за Градско - Дреново рече дека состојбата била очајна
УШТЕ ЕДНА ЗЕМЈА САКА ДА ВЛЕЗЕ ВО БРИКС: Земја сојузник на Путин
„ДИЗЕЛАШИТЕ“ ИТНО НА БЕНЗИНСКА, ОД УТРЕ ЌЕ ПЛАЌААТ ПОВЕЌЕ ЗА ДВА ДЕНАРИ - нови цени на горивата од Регулаторна
ЛИДЛ Е „НАЈДОБАР ВРАБОТУВАЧ“: „Вработените се во центарот на нашиот бизнис“ во Србија
ГЕРМАНСКАТА ЕКОНОМИЈА ВО РЕЦЕСИЈА - економските перформанси на земјата опаѓаат втора година по ред
М-Р АРИЈАНА КОСКАРОВА ВО „БИЗНИС-КЛУБ“: „ЗА ПРЕТПРИЕМНИШТВО ПОТРЕБНИ СЕ ИСКУСТВО ЗА РАЗВОЈ НА БИЗНИСОТ, ЕДУКАЦИЈА И ИНВЕСТИЦИЈА“
ЌЕ СЕ БИЕ ТЕШКА БИТКА ЗА НАДЗОРНИОТ ОДБОР НА „МАКЕДОНИЈАТУРИСТ“ - ова се имињата предложени од М.Г. Фешн и „Промедика“, а свои луѓе бара и „Скопски пазар“
„ГОРДОСТА“ НА ГЕРМАНИЈА НА ПРОДАЖБА: Кинезите сакаат да ги купат фабриките на Фолксваген кои компанијата ги затвора
Скопска топилница по 13 години повторно почнува со работа? Ќар ќе имаат само локални и регионални бизнис играчи
