Макрон ги искара властите во Приштина, потпишаа договор, ама не го почитуваат
Објавено во: Свет 31 Мај, 2023
Францускиот претседател Емануел Макрон денеска предупреди на „одговорноста на косовските власти“ за влошувањето на ситуацијата во Косово.
Според него, очигледно е дека постои одговорност на косовските власти во сегашната ситуација и дека Договорот кој беше важен и беше потпишан пред само неколку недели не се почитува.
Лидерот на опозицијата Рамуш Харадинај од „Алијансата за иднината на Косово“ побара оставка од премиерот Албин Курти, објави КосоваПрес, повикувајќи се на објава на Харадинај на Фејсбук.
Шефот на дипломатијата на Европската унија, Јосеп Борел изјави дека моменталната ситуација на северот на Косово е опасна и нестабилна. Со денови имаше тензии, кои деновиве ескалираа во Звечан каде најмалку 52 Срби се повредени во судир со полицијата. Србите не ги признаваат градоначалниците Албанци за легитимни, затоа што тие ги бојкотираа изборите и бараат косовската полиција да се повлече од северот.