МАКРОН ЗА ОРБАН: Не смее да му се дозволи да ја држи ЕУ како „заложник“
Објавено во: Свет 15 Декември, 2023
Францускиот претседател Емануел Макрон вели дека следните неколку месеци ќе бидат одлучувачки за Унгарија и Европската Унија(ЕУ).
Вели дека на унгарскиот премиер Виктор Орбан не смее да му се дозволи да ја држи ЕУ како „заложник“. Макрон на крајот од самитот на ЕУ во Брисел им рече на новинарите дека, според него, Орбан бил почитуван за време на разговорите, но дека за возврат мора да ја почитува ЕУ. Францускиот претседател додаде дека верува дека Орбан ќе ги надмине вообичаените обрасци и ќе покаже одговорност. Лидерите на Европската унија се согласија да отворат преговори за членство со Украина и Молдавија.
„Владата во Будимпешта нема да поддржи нов пакет помош на Европската Унија за Украина сè додека Брисел не ги исплати средствата наменети за Унгарија замрзнати од Европската комисија“, изјави Орбан.
Додаде дека, иако Унгарија се воздржа од гласањето за преговорите за членство во ЕУ со Украина, Будимпешта е и понатаму против таа одлука и спремна е да стави вето на придружувањето на Украина во подоцнежна фаза.