Малолетните џихадистки од Босна најверојатно убиени!

Добивај вести на Viber

Експертот од Комитетот за борба против тероризам во Советот за безбедност на ОН, Давид Шар, во интервју за израелскиот портал „Ynet“ тврди дека една од двете малолетни Босанки, кои од Виена се упатија кон Сирија и му се приклучија на џихадистите од Исламската држава веќе е мртва, а другата се води како исчезната. „Неодамна добивме информација за две 15 годишни девојки од Австрија, со босанско потекло. Нивното семејство, како и тајните служби на две земји трагаат по нив. Тие беа регрутирани од страна на Исламската држава“, истакнал Давид во интервјуто. Тој нагласил дека според информасиите со кои располага едната девојка е убиена, а другата се води како исчезната. За сега нема официјална потврда, а Министерството за надворешни работи на Австрија порачало да не се коментираат поединечни случаи. Самара К. И Сабина С., чии родители се бегалци од Босна, во април годинава избегаа од своите семејства во Виена и се упатија кон Сирија. Пред неколку недели една од девојките дала интервју за француските медиуми во кое говорела за својот живот во Сирија, тврдејќи дека ужива поголеми слободи отколку тие што ги нуди западот. Според тврдењата на австриските медиуми, девојките биле „радикализирани“ од страна на Мирсад Омерович, кој проповедал под името Ебу Тејм во една џамија во Виена. Во меѓувреме Омерович беше уапсен во акција на австриската полиција против радикалните исламисти кои се обвинети за регрутирање борци и финансирање на Исламската држава.