Марио Драги: Грција дава погрешни економски податоци

Добивај вести на Viber

Грција продолжи да дава погрешни економски податоци дури и откако Европската централна банка, Европската унија и Меѓународниот монетарен фонд, почнаа со проценка како да и’ помогнат на земјата, рекол претседателот на ЕЦБ, Марио Драги.

„Сигурно е дека одредени тогашни одлуки се донесени на основа на тие информации кои беа нецелосни, погрешни или несоодветни“, рекол Драги во обраќање пред пратениците од Европскиот парламент во Брисел.

Драги нагласи дека извештаите за структурната сила на грчката економија биле  неточни и дека Атина членовите на таканаречената тројка постојано ги уверувалка дека економијата на таа земја е многу посилна од реалноста.

ММФ во текот на минатиот месец објави мошне критички извештај за првата финансиска помош на Грција.

Исто така, Марио Драги изјави дека буџетскиот реформи се тешки и дека сеуште се неопходни во кризните земји од еврозоната.

Она што ЕЦБ сака да го каже е: Немојте да го загрозите напредокот на земјите кои се во криза, посебно на полето на урамнотежување на буџетот, туку тоа урамнотежување да го усогласите со економскиот раст, да ги намалите даноците, да ја намалите моменталната потрошувачка и да стартувате со структурни реформи, истакнува Драги.

„Знаеме дека фискалната консолидација и понатаму е неизбежна. Кога истата би била прекината, знаеме каква би била реакцијата на пазарите, знаеме дека каматните стапки би се покачиле“, нагласува Драги.

ЕЦБ минатата недела ја задржи клучната каматна стапка на 0,50%, трет месец по ред, а Драги порача дека монетарната политика ќе остане лабава, додека тоа биде потребно.

.