Маж уби најмалку пет лица во кафана во Цетиње, граѓаните повикани да останат дома

Добивај вести на Viber

Полицијата апелира до граѓаните на Цетиње да останат смирени и да останат во своите станбени згради, откако маж уби најмалку петмина во кафана во предградие на црногорскиот град и побегна.

Ова се први полициски дојави од местото на трагедијата, а се стравува дека бројот на жртвите од масовното убиство ќе биде уште поголем.

На престрелката и претходела физичка пресметка во локална кафана, како што за „Вијести“ потврдија повеќе неофицијални извори. Според истите информации, полицијата трага по осомничениот А.М од Цетиње.

Според информациите од Полициската управа, повеќекратното убиство се случило во попладневните часови во градот Бајице во ресторан кога А.М. убил неколку лица со употреба на огнено оружје.

За новинската агенција беше соопштено дека најпрво дошло до тепачка во бар во предградието, по што човекот по кој се трага извадил оружје и пукал.

„Ја информираме јавноста дека се работи за ситуациски настан, кој не е последица на пресметка на високоризични организирани криминални групи. За разрешување на оваа кризна состојба на терен се испратени специјални полициски единици“, соопшти полицијата.