Медведев читаше поезија и преку стихови го нападна Западот
Објавено во: Свет 31 Јануари, 2023
Русија почна акција за промовирање на руската литература во светот.
Рускиот политичар Дмитри Медведев читаше поезија. Руските државни медиуми и Министерството за култура почнаа проект наречен „Зборот на класиците“ во кој се читаат извадоци од делата на руските писатели. Екс рускиот претседател и премиер, Дмитриј Медведев, кој сега има функција во Советот за национална безбедност читаше дело на рускиот поет и дипломат од 19 век, Фјодор Тјутчев. Медведев ја искористи можноста да го нападне Западот, цитирајќи делови во кои Тјутчев зборува за односите со западните земји, а особено со Полска.
„Со векови, европскиот Запад сосема невино веруваше дека не може да има друга Европа освен нејзината. Штом го препознаеме ова, станува јасна вистинската основа на брзите успеси што го запрепастија светот и извонредната експанзија на Русија. Почнувате да сфаќате дека освојувањето и насилството биле најприродното и најлегитимното нешто што било направено во историјата. Тоа беше само едно огромно обединување“, цитираше Медведев.
Откако Русија ја почна војната во Украина лани во февруари, Украина најави дека ќе ја забрани руската литература и ќе уништи руски книги. Политичари од Полска повикаа луѓето наместо руски, да читаат украински автори. И во други земји имаше одредени забрани за руската култура.
Фото EPA-EFE/ALEXEI NIKOLSKY
Можеби ќе ве интересира
(ВИДЕО) УКРАИНА СО ДРОНОВИ НАПАДНА СКЛАДИШТЕ ВО ТВЕР: Oгромна експлозија, има повредени
ГАЛАНТ: Имаме планови за дополнителна акција против Хезболах
ПЕЈЏЕРИ ЕКСПЛОДИРАА ВО ЛИБАН: Каде се произведени?
БЛИНКЕН: Не знаевме за „пејџерските напади“ во Либан
(ВИДЕО) ЛИБАН: По пејџерите, сега експлодираа воки - токи
(ФОТО) УНГАРЦИТЕ ПРAВАТ БАРИЕРИ ЗА ЗАШТИТА: Будимпешта се подготвува за поплави
СРБИН ЗАГИНА ВО УКРАИНА: Teлото е предадено на неговите родители во Белград
НОВА ЕКСПЛОЗИЈА ВО КЕЛН - едно лице е повредено, полицијата ги повика граѓаните да ја избегнуваат областа
