Добивај вести на Viber
Американската одлука за да се донесе закон со кој се предвидуваат нови санкции против Русија како и плановите за Украина да отстапи од својот неутрален статус поради можно членство во НАТО ќе предизвикува соодветна реакција од страна на Русија, напишал во вторникот рускиот премиер Дмитриј Медведев на својот „Фејсбук“ профил.
„Американскиот претседател, Барак Обама, потпиша антируски закон со кој секој претседател на САД се овластува во било кој момент да може да спроведува санкции кон Русија“, истакнал Медведев, пренесува агенцијата „Тасс“.
Украинскиот претседател Порошенко пред пратениците го изнесе предлог – законот со кој се предвидува Украина да отстапи од својата досегашна неутрална позиција, што пак во суштина би значело апликација на земјата за прием во НАТО, со што оваа земја би станала потенцијален непријател на Русија, наведува Медведев.
„Овие две одлуки ќе имаат исклучително жалосни последици и нашата земја ќе мора да реагира“, заклучил Медведев.