Медведев: Русија има начин како да се избори со кризата на рубљата!

Добивај вести на Viber

Русија има монетарни ресурси и потребни економски инструменти да се избори со најголемата монетарна криза во земјата, рекол денеска рускиот премиер Димитриј Медведев.

„Рубљата не можеше да не реагира на санкциите, но курсот сепак не ја одразува вистинската слика. Тој отиде надвор од границите удобни за економијата“, рекол премиерот  на состанокот со економскиот блок на владата, претседателот на Централната банка и раководителите на најголемите компании.

Според неговите зборови, постојат две основни причини поради падот на курсот на рубљата кои не зависат од Русија - намалувањето на цената на нафтата и надворешно-политичките притисоци во вид на санкции, пренесеува руската агенција.

„Досегашните финансиски пазари за нашите банки и нашите компании буквално се затворени. Секако, рубљата не можеше да реагира на тоа, но цифрите кои ги гледаме во менувачниците во последните неколку дена не одговараат на објективната слика и неоснова отишле надвор од границите удобни за економијата и граѓаните“, рекол Медведев.

„Сите се согласуваат дека рубљата денеска е потценетам курсот се оддалечи од фундаменталните показатели и не ја одржува состојбата во економијата“, додал тој.

Според мислењето на Медведев, она што сега се случува на девизниот пазар е „игра на емоции“, но секако е неопходно што порано да се стабилизира ситуацијата.

Медведев смета дека нема смисла да се воведуваат остри мерки за регулирање на пазарот, тоа треба да се направи врз основа на пазарни мерки. Потребните ресурси и инструменти постојат.

Рускиот премиер потсетил дека вчера е оддржано советување за финансиско-економската состојба на кое се донесени низа задолжителни одлуки, вклучувајќи и зголемување на девизното рефинансирање на банките, обезбедување на рамнотежа помеѓу понудата и пазарот преку подигање на девизна ликвидност од страна на Централната банка.