Меѓународното училиште „Нова“ организира голем хуманитарен семеен базар
Објавено во: Мои пари 21 Април, 2016
Меѓународното училиште „Нова“ има чест да Ве покани на 10-тото јубилејно издание на големиот хуманитарен семеен базар на кој ќе се продава храна од различни страни на светот, книги, ракотворби, а ќе биде поставена и мала зоолошка градина.
Манифестацијата е закажана на 23 април (сабота) во 11 часот, а дел од собраните пари ќе бидат наменети за Државното училиште за деца и младинци со оштетен вид „Димитар Влахов“ во Скопје.
Настанот е организиран од Здружението на родители на учениците во „Нова“. На настанот ќе бидат присутни повеќе амбасадори чиишто деца се школуваат во училиштето, а дел од нив ќе бидат задолжени и за подготовка и продажба на храната од земјата каде потекнуваат.
Покануваме новинари, сниматели и фоторепортери.