20 Јули, 2024
0.0254

МЕРЦЕДЕС, БМВ И ФОЛКСВАГЕН СО ОСТРА РЕАКЦИЈА - ја критикуваа ЕУ за воведувањето царини за кинеските производители

Објавено во: Економија 13 Јуни, 2024

Добивај вести на Viber

Германските производители на автомобили остро ги критикуваа новите царини на Европската унија за кинеските електрични возила увезени во Европа.

За потсетување, Европската комисија се закани дека од 4 јули има намера да воведе привремени царини за увоз на електрични автомобили од Кина кои ќе се движат од 17,4 до 38,1 отсто наместо сегашните 10 отсто, поради незаконските државни субвенции за кинеските производители.

Како дел од истрагата што започна во октомври минатата година и се уште е во тек, Комисијата привремено заклучи дека кинеските производители на електрични возила со батерии (BEV) имаат корист од неоправдани субвенции, што може да предизвика економска штета на производителите кои функционираат во самата унија.

Сепак, има негодување од германската автомобилска индустрија, пренесуваат медумите.

Мерцедес, БМВ и Фолксваген би можеле да се соочат со контрамерки од кинеската влада кои ќе влијаат на нивните операции во Кина, клучен профитен центар за тие компании.

BMW: Ова ќе им наштети на европските компании и интереси

Извршниот директор на БМВ, Оливер Зипсе, изјави дека царините на ЕУ ќе им наштетат на европските компании и европските интереси.

„Протекционизмот ризикува да западне во маѓепсан круг. Тарифите водат кон нови царини, а тоа води кон изолација наместо соработка“, рече тој.

„Од перспектива на БМВ Груп, протекционистичките мерки, како што е воведувањето царини за увоз, не придонесуваат за нашиот успех на меѓународните пазари“, се вели во соопштението.

Извршниот директор на Мерцедес, Ола Калениус, рече: „Не ни треба зголемување на бариерите за трговијата. Треба да работиме на отстранување на трговските бариери во духот на Светската трговска организација“.

Фолксваген: Негативните ефекти од оваа одлука ги надминуваат сите потенцијални придобивки

Фолксваген рече дека царините нема да ја постигнат целта на ЕУ за зајакнување на конкурентноста на европската автомобилска индустрија.

„Тајмингот на одлуката на Европската комисија е штетен за моменталната слаба побарувачка за електрични возила во Германија и Европа. Негативните ефекти од оваа одлука ги надминуваат сите потенцијални придобивки за европската, а особено германската автомобилска индустрија“, велат од Фолксваген.

Германското индустриско тело рече дека царините го зголемуваат ризикот од трговска војна и нема да ја зајакнат конкурентноста на европскиот автомобилски сектор.

„Потенцијалната штета што би можела да произлезе од царините може да биде поголема од потенцијалните придобивки за европската, а особено германската автомобилска индустрија“, рече во изјавата претседателката на ова тело, Хилдегард Милер.

Можеби ќе ве интересира

НОВ РАСТ НА БРОЈОТ НА ПРЕТПЛАТНИЦИ - новите пакети на Нетфликс дадоа резултати

НОВ РАСТ НА БРОЈОТ НА ПРЕТПЛАТНИЦИ - новите пакети на Нетфликс дадоа резултати

ПРВОТО РОЧИШТЕ ЌЕ БИДЕ НА 8 ОКТОМВРИ - отворен е стечајот на „Вартекс“, доспеаните кредити се над 16 милиони евра

ПРВОТО РОЧИШТЕ ЌЕ БИДЕ НА 8 ОКТОМВРИ - отворен е стечајот на „Вартекс“, доспеаните кредити се над 16 милиони евра

Србија ѝ го даде литиумот на Германија, Вучиќ: Немаме море и гас, ова ќе донесе 6 милијарди евра

Србија ѝ го даде литиумот на Германија, Вучиќ: Немаме море и гас, ова ќе донесе 6 милијарди евра

Централата ТЕ-ТО исклучена поради невремето

Централата ТЕ-ТО исклучена поради невремето

ДОБИ ПРИЛИЧНО СОЛИДНИ ПАРИ, НО ПРАШАЊЕТО Е ЗОШТО ПРОДАВА - “Настел“ се сведе на 9,1 отсто акции во „Реплек“

ДОБИ ПРИЛИЧНО СОЛИДНИ ПАРИ, НО ПРАШАЊЕТО Е ЗОШТО ПРОДАВА - “Настел“ се сведе на 9,1 отсто акции во „Реплек“

„САМО ДО 2028, НИЕ ГРАЃАНИТЕ ТРЕБА ДА ВРАТИМЕ 1,8 МИЛИЈАРДИ ЕВРА ПО ОСНОВ НА КАМАТИ“: Левица за финансиската состојба во земјава

„САМО ДО 2028, НИЕ ГРАЃАНИТЕ ТРЕБА ДА ВРАТИМЕ 1,8 МИЛИЈАРДИ ЕВРА ПО ОСНОВ НА КАМАТИ“: Левица за финансиската состојба во земјава

СИТНИ АКЦИОНЕРИ ПРОДАВААТ, ШВАЈЦАРСКИ „ДУФЕРКО“ КУПУВА - големиот странски сопственик ги зајакнува позициите во „Макстил“

СИТНИ АКЦИОНЕРИ ПРОДАВААТ, ШВАЈЦАРСКИ „ДУФЕРКО“ КУПУВА - големиот странски сопственик ги зајакнува позициите во „Макстил“

НЕВЕРОЈАТНО: Во Агенцијата за вработување останале непотрошени 42 милиони евра

НЕВЕРОЈАТНО: Во Агенцијата за вработување останале непотрошени 42 милиони евра

Божиновска на Самитот на шефовите на држави и влади на членките на Европската политичка заедница

Божиновска на Самитот на шефовите на држави и влади на членките на Европската политичка заедница