„Меркатор“ се повлекува од Албанија и Бугарија
Објавено во: Балкан 17 Декември, 2012
Словенечкиот „Меркатор“ има намера да се повлече од пазарите во Бугарија и Албанија, бидејќи тамошните економии се уште не обезбедуваат обем на продажба кој би обезбедил позитивни резултати, пишува дневниот весник „Дело“. „Меркатор“ со среднорочниот план за работење, како што се наведува, предвидел во следниот период географски да се насочи кон пет најпрометни пазари: Словенија, Хрватска, Србија, Црна Гора и БиХ. Овој потег е дел од антикризните мерки кои ги презема новата управа на „Меркатор“ на чело со Тони Блажевиќ, се прецизира во текстот.