Меркел: Без Русија не сме безбедни!

Добивај вести на Viber

Германската канцеларка Ангела Меркел денеска во Полска предупреди дека без Русија не е можно долгорочно да се одржи безбедноста во Европа и дека мора да се остави простор за дијалог со Москва.

„Свесни сме дека заедно со Русија можеме долгорочно да ја одржиме безбедноста во Европа. Затоа економските санкции не се сами по себе цел, мораме да одржиме дијалог“, рекла германската канцеларка пред отварањето на изложбата за германско-полското помирување „Храброст и помирување“.

Премиерката на Полска Ева Копач и Ангела Меркел се сретнаа денеска на западот од Полска за да потсетат дека поминале 25 години од Мисата на помирување во Кшижовој на која, давајќи надеж за затварање на мрчните поглавја на историјата на двата народа се сретнаа премиерот Тадедуш Мазовјечки и германскиот канцелари Хелмут Кол.

Сликата на нивното долго и срдечно ракување го заобиколи светот како симбол на новата иднина, каде како што кажа денеска полската премиерка, обединета демократска Германија ќе биде гаранција за подобри денови а Полска во обединета Европа добар сосед.

 Ангела Меркел и на ова место, симоболот на помирување, потсети дека Германците биле свесни на сите грубости кои ги направиле со нападот на Третиот Рајх на Полска на 1 септември во далечната 1939 година кога избила Втората Светска војна, окупација на Полска, геноцидот на европските Евреи и холокаустот.

„Германците се свесни за овие грубости и својата одговорност за нив. Доцната депортација на Германците од Полска и источна Европа беше бесправда но на неа треба да гледаме во свелината на случувањата кои и претходеа“, рекла Меркел.

„Не сме кријачи на историјата, умееме да извлечеме порака од неа... Нема една матрица на еден модел по кој народите би воспоставиле односи на разбирање и помирување ... Изложбата која ја отвараме „Храброст и помирување“, покажува дека помирувањето е плод на храброста но пред се доцен долг макотрпен труд на односиуте“; рекла Ева Копач.