Металуршките компании се жалат, владата со став дека исти правила важат за сите!

Добивај вести на Viber

Голем дел од барањата на металуршките компании се прифатени, има одложување на обезбедувањето еколошки стандарди и владата постојано ги помага компаниите од металургијата. Ова е ставот на  министерот за финансии, Зоран Ставрески, еден ден по објавата за падот на металурчкиот сектор во земјава за над 20% од почетокот на оваа година. Ставрески истакна дека не само компаниите од металургијата, но и сите други компании ќе се помагаат со тоа што ќе бидат задржани најниски даноци во Европа. „Со тоа преку 400 милиони евра во изминатите неколку години се оставени на располагање на македонските компании“, рече денеска вицепремиерот Ставрески. Заменик претседателот на Владата за економски прашања,  Владимир Пешевски пак рече дека ќе имаат средби со компаниите од секторот и повторно ќе ги разгледаат нивните барања. „Се разбира дека сите предлози кои ќе бидат ставени на маса ќе бидат разгледани, но мора да да водиме сметка да не се фаворизира ниту еден сектор туку правилата на игра да бидат подеднакви за сите.Металурзите и другите сектори се погодени од кризата во Европа, Владата прави се во нејзина моќ но сите треба да понесеме дел од товарот на кризата,“ изјави Пешевски кој се осврна дека и лани  владата воведе мерки кои не може, а да не дадат ефекти.