17 Јули, 2018
0.4717
    ALK 8017.33    -0.83%     APTK 750    0%     AUMK 1803    2.97%     BESK 9530    -2.41%     BEST 1886    0%     FERS 59500    -2.09%     GRNT 821.15    -1.07%     KJUBI 1550    -0.06%     KMB 5057.09    -2.74%     MPOL 281    -2.77%     MPT 42987.44    -1.53%     OHB 6100    -0.13%     OKTA 4336.84    -0.55%     PPIV 44108    -3.06%     RMDEN16 95    -0.84%     RMDEN17 95.9    0%     RZUS 138.9    9.6%     STIL 127    -5.17%     TPLF 990.17    2.29%     TTK 981.88    -1.82%     UNI 2354    -1.92%     USJE 22002.14    -1.62%     VITA 8512    0.11%

Мицкоски кај стариот вмровски сојузник Орбан

Објавено во: Анализа 03 Февруари, 2018

Христијан Мицкоски оди по веќе вообичаена рута во лобирањето на ВМРО-ДПМНЕ низ европските престолници, па по Брисел се упати во Будимпешта на средба со контроверзниот унгарски премиер Виктор Орбан кого претседателот Јункер во неформален момент го нарече диктатор. Мицкоски во овој момент се обидува да генерира поддршка за ВМРО-ДПМНЕ од европските сестрински партии, особено од Германија, но и од Унгарија каде претходно Груевски имаше силни сојузници. 

Колку овој потег е добар за имиџот на Мицкоски како тазе претседател на ВМРО-ДПМНЕ допрва ќе се види, но друштвото на Орбан не ветува реформирање на партијата во модерна европска десница, напротив покажува рецидиви од минатото и практична потврда дека се одржуваат истите вредности кои ги имаше и претходното раководство со барање домашни непријатели, притисок врз медиумите и невладиниот сектор. 

На средбата со Орбан од страна на Мицкоски било посочено дека во земјава се врши политички прогон на неистомисленици.

 „Претседателот Мицкоски го информираше Орбан за актуелната политичка ситуација во Република Македонија, потенцирајќи дека власта врши политички терор врз своите неистомисленици. На средбата беше посочено дека Македонија назадува и на економски план и на полето на демократијата со целосно нарушен систем на владеење на правото како основен столб на здравото општество. Како посебен проблем беше разговарано и за слободата на медиумите кои се под притисок во врска со критичкото опсервирање на владините политики“, соопштуваат од ВМРО-ДПМНЕ.

Унгарскиот премиер и лидер на ФИДЕЗ укажал дека ќе ја продолжи поддршката за интеграциите на Македонија во ЕУ и НАТО, а ќе продолжи и соработката со ВМРО-ДПМНЕ.

Можеби ќе ве интересира

Што си купи Чифлиганец со 10 милиони евра?

Што си купи Чифлиганец со 10 милиони евра?

Колку чини „Ало“ во РЕК Битола?

Колку чини „Ало“ во РЕК Битола?