Мицкоски: Каков „Датум“, каков НАТО, водиме со 100.000 разлика

Добивај вести на Viber

Не е причината тоа што како што вели премиерот Зоран Заев дека се спроведуваат економски реформи и се чека Датум за преговори во ЕУ и чкенство во НАТО, туку затоа што знае дека во моментов ќе загуби со повеќе од 100.000 разлика, рече Христијан Мицкоски, претседателот на ВМРО-ДПМНЕ, на денешната прес-конференција.

Според Мицкоски, анкетата според која за коалицијата на СДСМ би гласале 24,4 проценти, а за коалицијата на ВМРО-ДПМНЕ 21,1 процент, инаку според теренското истражување спроведено од Тим институт на репрезентативен примерок од 1.024 испитаника, е потреба на шефот на Владата да ја зајакне внатрепартиската дисциплина.

„Анкетата ја презентирал на брифингот со новинарите. Нема потреба од брифирање, лажно храбрење. Нема потреба од такво брифирање, од такво храбрење, јас го разбирам зошто тоа го прави. Тој е притиснат од внатре, никој веќе нема доверба во неговите чекори, затоа што знаат дека ги води кон бездна. Знае дека се создава сериозна раслоеност внатре во СДСМ и него му беше потребен еден ваков пи-ар чекор да ја зајакне дисциплината внатре, лиферувајќи една ваква анкета, или желба би ја нарекол, која што е далеку од реалноста. Во овој момент реалноста е дека, ако сега се одржат избори, разликата помеѓу ВМРО-ДПМНЕ и СДСМ ќе биде повеќе од 100.000 гласови во наша корист. Тоа го знае тој и сите разумни луѓе во СДСМ и токму тоа е причината. Каков „Датум“, каков НАТО, тоа е вистинската причина зошто Заев не сака да оди на избори“, рече Мицкоски.