Мицкоски со писмо до амбасадите за одложување на пописот
Објавено во: Македонија 11 Март, 2021
Христијан Мицкоски, кој во моментов е на лекување од Ковид-19 на Инфективна клини, испратил писмо до речевантните амбасадори во кое бара од нив да влијаат на одложување на пописот кој треба да започне од 1 април.
Во истото тој вели дека од лично искуство знае какви последици може да предизвика пандемијата по здравјето, па од таму бара да се сопре теренското испитување.
„Борбата против тешката епидемиолошка ситуација, во недостиг на вакцини, комбинирано со теренски попис, ќе го стави во сериозен ризик за јавното здравје. Јас не се сомневам во потребата од кредибилен попис, но во овој момент не е време за истиот. Ние мора да сме фокусирани пред сè на борбата против здравствените предизвици кои се пред нас. Откако ќе се надмине здравствената криза ние можеме повторно да се насочиме на пописот“, стои во писмото .
Како дел од решението тој предложил пописот да биде одложен за септември.
„Тоа ќе остави време за набавка на вакцини и вакцинација на сите попишувачи, со што ќе се минимизира штетата по јавното здравје. Во насока институциите да можат да се посветат целосно на пописот, предлагам локалните избори да се одржат од 1-ви до 15-ти ноември", било наведено во писмото.