МИНОВСКИ, човек со интегритет или партиски послушник?

Добивај вести на Viber

Доаѓањето на новиот министер предизвика несигурност во дел од финансискиот сектор, кај некои пак побуди прашања, можна ли е промена во политиките, промена на подобро? Кирил Миноски го наследува Зоран Ставрески во најчуствителните политичко – економски прилики во земјава. КОНТРОВЕРЗНИ ПРОЕКТИ: Што ни остава Ставрески во наследство? Земјава, преку финасии континуирано се задолжува на домашниот пазар, но и на меѓународниот. За 2, 5 милијарди беше зголемен јавниот долг во изминативе 7 години, но она што го велат експертите, проблемот е што долгот не беше искористен доволно паметно Ова всушност е и еден од најголемите „гревови“ што му се земаат на Ставрески. Последната најава за нови задолжувања ја даде лидерот на ВМРО ДПМНЕ, Никола Груевски, кој навести дека Владата ќе се задолжува со еврообврзница, но сеуште не е позната сумата и деталите. Груевски изјави дека при ланското задолжување, СДСМ ја блокирала еврообврзницата од 500 милиони евра. Со оглед на тоа што тогаш владата позајми 270 милиони евра, според очекувањата сега вредноста на задолжувањето веројатно би изнесувала 230 милиони евра. Од Миноски се очекува да одоговри дали ќе продолжи истата политика на прекумерно трошење во делот на јавните финансиии за непродуктивни расходи, или пак тој ќе направи рез и ќе ги спречи непотребните зголемувања и трошоци за плати, пензии, субвенции. Не е реално да се очекува дека Миноски ќе води автохтона политика, туку поверојатно е тој да ги следи досегашните политики и политиките што ги спроведува Владата сметаат познавачите. Сепак, треба да му се даде шанса за да се види дали Миноски е човек со интегритет и знаење како што пишува во неговото си-ви, или ќе дозволи да биде претопен во партиски послушник и слепо да ги спроведува политиките што му се наметнуваат.