МЛАДА АНГЛИЧАНКА ПОЧИНАЛА ПО УБОД ОД КОМАРЕЦ, сакала да стане пилот, антибиотиците не го спречиле страшниот исход

Добивај вести на Viber

Млада девојка, пилот-приправник починала откако ја каснал комарец и развила инфекција која се проширила на нејзиниот мозок.

Оријана Пепер од Бури Сент Едмундс, Сафолк, Англија била голем вљубеник во летањето, и била на пат да се квалификува како пилот на комерцијална авиокомпанија кога почина.

Девојка, која имала само 21 година, ги положила теоретските испити на програмата easyJet во Оксфорд и заминала во Белгија. За време на престојот во Антверпен била каснат од комарец на челото, над десното око.

- Кога каснувањето отече и се зарази, отиде во болница на 7 јули 2021 година и и беа препишани антибиотици. Но, два дена подоцна таа стана во делириум и колабираше - објаснува нејзиното момче Џејмс Хол, кој итно ја вратил во болница, пренесува „Телеграф.рс“.

Оријана починала во болница три дена подоцна, на 12 јули 2021 година.

Судски лекар од Сафолк, Најџел Парсли, кажал дека Оријана умрела „како резултат на сериозна инфекција предизвикана од каснување од инсект на челото“.

- Инфекција влезе во кожата на Оријана по каснување од инсект. Потоа отиде во каротидната артерија на вратот и доведе до септички емболии во нејзиниот мозок - објаснил судскиот лекар.

Обраќајќи им се на родителите на Оријана, Тристан и Луиза Пепер, кои присуствувале на истрагата, тој им рекол дека „никогаш досега не сум видел ваков случај. Тоа е толку несреќна трагедија за една млада дама која очигледно имаше прекрасна кариера и живот пред неа“.

Дечкото на Оријана, Џејмс, со когао се запознала во Феникс, Аризона, каде ги завршила приватните и комерцијалните пилотски дозволи, посочил дека биле „убодени од комарци повеќе пати без никаква реакција“ по пристигнувањето во Антверпен на 20 мај.

- Ние бевме уверени од локалното население дека е нормално за областа и годишното време - потенцирал тој.