Добивај вести на Viber
Меѓународниот монетарен фонд , вчера соопшти дека европските банки и понатаму се слаби и дека пред нив има долг пат додека истите се стабилизираат.
Во својата прва проценка за стабилноста на финансискиот сектор на Европа, ММФ наведува дека и понатаму се присутни неколку предизвици: банките сеуште имаат тешкотии во осигурувањето на заемите кои им се потребни за секојдневна операција, инвеститорите и понатаму се претпазливи околу долговите на европските земји, а економскиот раст и понатаму стагнира ширум континентот, пренесува агенцијата АП.
Извештајот ја повикува ЕУ да ги спроведе и прошири плановите за основање на единствен надзорен механизам за банките, како и брзо да формира институција која ќе може брзо да ги затвори критичните банки и да обезбеди директно позајмување на банките од Европскиот спасувачки фонд.