Модернизација на српски „ЈАТ“, се подновува со 4 нови авиони

Добивај вести на Viber

На следната седница на српската влада, најверојатно, ќе се формира меѓусекторска работна група која ќе има за задача да го подготви формирањето на новиот ЈАТ, пренесува Блиц. На почетокот на следната година, односно пред почетокот на летниот распоред на летање, почнува со работа новата српска авиокомпанија, исчистена од долгови и со половина од бројот на вработени, 600 наместосегашните 1.200. Новата "Јат"  на лизинг ќе купи четири нови  авиони Ербас од типот A319 , а во есен следната година се очекува да стигнат уште четири помали авиони за кратки дестинации АТР 72-600,  беше најавено од страна на Министерството за финансии и економија по средбата со претставници на француската компанија Ербас минатата недела. Со Ербас се разговарало и за купување на четири А320 авиони кои во Србија би требало да стигнат до 2015. „Беше договорено да се интензивираат разговорите за склучување на договор со "Ербас", за што се користи еден стар договор од 1998 година, каде што српската влада даде аванс од 23,5 милиони долари, кој никогаш не го искористи“, велат во Министерството за финансии. Со државна гаранција, Јат ќе позајми  140 милиони долари за купување на новиот возен парк. Инаку, Јат беше првата авиокомпанија во светот која купуваше авиони од фабриката отворена од француско-италијанскиот производител во Тулуз пред 24 години, а дел од тие авиони се уште се во употреба.