МОЛЕКУЛАРНИОТ БИОЛОГ ПРОФ. РИСТОВ: Нема шанси вакцинацијата да го смени текот на пандемијата пред есента

Добивај вести на Viber

Се заканува ли третиот бран на пандемијата на Ковид-19. Дел од државите информираат дека зголементиот број на новозаразени, посебно ширењето на новите соеви, јасно покажуваат дека светот се соочува со уште еден налет на вирусоѕ, што го прогнозираше и СЗО. Хрватската експертка проф. д-р Андреја Амбриовиќ Ристов, молекуларен биолог, вели дека ако бројките почнат да растат, а тоа и се случува, ќе растат многу побрзо.

-Нема шанси вакцинацијата пред есента да влијае на текот на епидемијата. Новите соеви, мутациите на корона вирусот се потенцијално опасни, но тие се најопасни ако не знаеме дека пристигнале и кои се. Од нив не треба да се плашиме во смисла дека варијантата е потполно нов вирус бидејќи се чини дека сите вакцини што се користат во моментов ќе штитат, дури и делумно, од новите варијанти. Борбата против создавање на нови варијанти е всушност борба против голем број на заразени луѓе, т.е. голем број циркулирачки вируси. Не можеме да кажеме што ќе биде утре или задутре, но мора да бидеме флексибилни и да реагираме на вистински начин. Мора да бидеме многу внимателни со овој трет бран. Важно е што повеќе луѓе да вакцинираат, но со ваквите најави за испорака на вакцини, нема шанси вакцинацијата пред есента да влијае на текот на епидемијата и се поставува прашањето дали тоа ќе се случи и тогаш, посочува професорката Андреја Амбриовиќ Ристов во интервју за Дневник.хр