„Монопол“ во Македонија губи 100 работници годишно
Објавено во: Економија 30 Август, 2019 07:00
АД Македонски пошти како давател на универзална услуга во поштенскиот пазар во Македонија годишно губи по 100 вработени, иако не е децидно наведено за каков кадар станува збор.
Претпријатието кое има ексклузивно право над пратките до 50 грама, се додека не се либерализира целосно пазарот, во 2016 имало 2.343 вработени, една година потоа 2.244, а ланската година ја завршило со 2.141
Македонски пошти имаше ценовен монопол за пратките до 50 грама до истекувањето на минатата година, но либерализацијата беше одложена за уште една година. Државниот оператор има доминантна позиција од 94 отсто опфат на пазарот на поштенски услуги.
Стопанскиот сектор, Европската комисија како и Светска банка смета дека веќе е време да почне либерализацијата на поштенските услуги, која наместо на почетокот на годинава, се одложи четврта година по ред, овој пат од 1 јануари 2020.
– Либерализација на пазарот на поштенските услуги треба да настапи од 2020 година, со што ќе овозможи сите даватели на поштенски услуги да работат на пазарот и да обезбедуваат услуги под еднакви права и обврски. Сметаме дека либерализацијата ќе ја раздвижи конкуренцијата и ќе донесе значителни поволности за корисниците – изјави неодамна Билјана Аврамоска Ѓореска, директорката на Агенција за пошти.
Забелешките на Европската комисија во делот на поштенската индустрија се барање целосна либерализација на поштенскиот пазар во државата и продолжување на јакнење на административните капацитети на регулаторното тело.
Пратките за кореспонденција (писма) опаѓаат кај универзалниот снабдувач постојано и од 44,3 милиони во 2014 спаднале на 33,3 милиони во 2018. Позагрижувачки е падот на услугата со пакети од 20 отсто. До 2018 Македонска пошта имаше стабилни 110,5 илјади пакети за една година за подоцна тој да биде само 88,5 илјади.
И од Агенцијата за пошти во својот извештај за 2019 го изнесуваат своето загрижување дека се намалува бројот на поштари во Македонија со што се влијае уште понегативно на поштенската услуга.
Секоја година во овој сектор на услуги влегуваат нови мали оператори, а лани имало дури шест старт-апи. Вкупниот број е 34 даватели на поштенски услуги, од кои 15 на цела територија, а 7 и за меѓународен сообраќај. Во приватниот поштенски сектор имало вкупно 830 работници
Во моментов има пад од 7 отсто во обемот на пратките кај Македонски пошти, додека приватните оператори бележат раст од 70 отсто.
А.К.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Николски: Поврзување на Коридорот 10 со Коридорот Струма во Бугарија и уште 14 големи проекти во Струмица
(ВИДЕО) Се пробиваат тунелите од трасата за железничката пруга кон Бугарија
ДЕЛНИЦАТА БУКОЈАЧАНИ - КИЧЕВО ЈА ЗГОЛЕМИ ВРЕДНОСТА НА НОВИТЕ ГРАДБИ: повторно расте интересот за градење
Долгот за патиштата што ги градиме надмина милијарда евра
СОБРАНИЕТО ЌЕ ВРАБОТУВА НАД 30 ЛИЦА: се бараат соработници, преведувачи, толкувачи за плати кои почнуваат од 32 илјади денари
САЕМ, ЖИЧНИЦА ОД БОЛНИЦАТА КОЗЛЕ И НОВ ВЛАДИН АВИОН, БИДЕЈЌИ СТАРИОТ Е КАКО ОДРЖУВАЊЕ НА ОЛД ТАЈМЕР: Томовски со најава
Промени на границата со Унгарија: Што треба да знаете пред вашето патување
Трамп: Запленивме многу голем танкер покрај брегот на Венецуела
Лукашенко одобри: Се формира единствен енергетски пазар со Русија
