Москва: Ерменија е поблиску до државен удар како и во Украина со употреба на оружје

Добивај вести на Viber

Членот на комитетот на Советот на Федерацијата за меѓународни работи Игор Морозов смета дека сегашните настани во Ерменија „еден на еден“ ја копираат првата фаза, и истакнуваат дека САД може да го управува развојот на настаните со огромната амбасада, на второ место во светот по бројност.

Протестната акција започна минатиот петок на плоштадот Слобода во Ереван и во понеделникот прерасна во поворка кон резиденцијата на претседателот. Во вторникот во Ерменија беше преполно од полицијата. Демонстрантите сакаат да се отповика одлуката на Комисијата за регулирање на јавните услуги и зголемување од 17 јуни на цените на електричната енергија.

Морозов смета дека Ерменија може да доживее државен удар, како во Украина за време на Мајдан.

„Ерменија е поблиску до државен удар со употреба на огнено оружје. Тоа ќе се случи, ако претседателот Серж Саргсјан не си извлече лекција од украинскиот Мајдан и не си направи соодветни заклучоци“- изјавил тој за медиумите.

Тој истакнал дека сегашните настани во Ерменија „еден на еден“ го повторуваат сценариото на првата фаза на државниот удар во Украина. „Тогаш украинската опозиција исто така, одби да се сретне со претседателот Виктор Јанукович и почна да апелира до меѓународната заедница“ - потсетува сенаторот. Според него тогаш беше очигледно дека сценариото се диригира од амбасадата на САД во Киев.

„Американската амбасада во Ерменија исто така активно учествува во сегашните настани во Ереван. При тоа треба да се напомене дека амбасадата на САД во Ерменија по бројност е на второ место во светот по тоа во Ирак, иако Ерменија е мала земја (3,3 милиони)“- изјавил Морозов.