МОЖЕ ЛИ ДА СЕ ЖИВЕЕ ОД ПЧЕЛАРСТВО: Колку треба да вложиш за добрo да заработиш?
Објавено во: Економија 10 Февруари, 2020
Се исплаќа ли да се занимавате со пчеларство и колку? Секако има добра заработка, но треба и доста работа.
Многумина кои с еоддале на овој вид занимање велат дека може солидно да се живее од пчеларството но со минимално 50 кошници, добра организација на работата и секојдневна работа во текот на цела година.
Фактор ви пренесува едно искуство на кратовчанецот Антонио Стојановски.
Со ова хоби тој почнал да се занимава пред четири години иако интерес имал претходно а во Кратовско Страцин поседува 17 кошници.
„Имам порака до младите пчелари кои сакаат да одгледуваат пчели да не почнуваат со многу семејства, максимум 5, а минимум 2 за првата година затоа што не е толку едноставно и лесно да се одгледуваат пчели, секоја работа има своја тежина. Нормално дека бараат грижа и нега исто како да се грижиш за мало дете, исто така треба и со пчелите. На младите им советувам повеќе да слушаат совети од постарите и да читаат литература за пчелите од интернет, да си купат или позајмат некоја книга“, вели Стојановски.
Стојановски ни раскажа дека досега вложил 3.000 евра, а оној кој сака да купи кошница со пчела објаснува дека тоа ќе го чини околу 100 евра. За три до пет години оној кој ќе почне да се занимава со пчеларство може да ги поврати парите кои ги инвестирал.Целата приказна на кратовчанецот читајте ја овде.
КРАТОВЧАНЕЦ ЖИВЕЕ ОД ПРОИЗВОДСТВО НА МЕД: Kолку треба да вложиш за добра заработка?