Можно ли е излевање на реките?
Објавено во: Македонија 06 Април, 2018
Влажна и нестабилна воздушна маса моментално се наоѓа над сливното подрачје на реката Лепенец, соопштија од Управата за хидрометеоролошки работи.
„Во наредниот период се очекува брзо зголемување на водостојот на река Лепенец, како и на сите суводолици во границите на неговиот речен слив. Предупредуваме на внимателноост и претпазливо движење покрај суводолиците и помалите реки во сливот на реката Лепенец каде се можни и спорадични локални излевања во наредниот период“ - велат оттаму.
Како што посочуваат од УХМР, водостоите на реките низ Македонија се над просекот, што е карактеристично за овој период од годината, и поради релативно големата влажност во земјата (како резултат на изминатите врнежи и растопениот снег), се очекува брзо да реагираат и на помали количини на дожд да го зголемат својот водостој.Вакви појави, се посочува, се можни во сливните подрачја на реките: Кумановска, Липковска, Коњарка, Слупчанска, Пчиња, Крива река, Црна, како и на помалите водотеци во средниот дел од сливот на Вардар (водотеците од планинскиот масив Јакупица).