18 Јули, 2025
0.0355

МРТВ годинава ќе потроши 7 милиони евра повеќе од лани!

Објавено во: Економија 09 Јануари, 2013 08:45

Добивај вести на Viber

Годинава е силен предизвик за Македонската радио-телевизија, која со значително зголемен буџет планира силна внатрешна реформа и преобразба во модерен јавен сервис. Со вкупен буџет од 27,7 милиони евра ( 7 милиони евра повеќе од лани) се најавува зголемена продукција на сопствена програма, дигитализација на јавниот сервис и инвестиции во опрема со цел подобрување на информативната програма. Соња Јованова Наумовска Вкупно 16,5 милиони евра приход ќе има јавниот сервис од радиодифузна такса годинава и тоа е само половина од буџетот кој и е на располагање на МРТ за 2013 година. Според финансискиот план на јавното претпријатие доставен до Собранието, јавниот сервис од Владата планира да добие и финансиска поддршка за редовно работење од близу 4 милиони евра, а исто толку пари од државниот Буџет ќе се одвојат за продолжување на процесот на дигитализација. Владата ќе и префрли на МРТ дополнителни 1,7 милиони евра за реализација на телевизиската и радиопрограмата за иселениците, при што само за закуп на сателитскиот сегмент ќе се потрошат 1,4 милиони евра. Останатите приходи Македонската радио телевизија планира да го обезбеди од реклами, закуп на недвижен простор и сл. Па така, од продажба на рекламен простор МРТ планира да прибере 1,3 милиони евра,  што е двојно повеќе од минатата година и што во главно се должи на зголемениот процент на рекламен простор што го доби МРТ со измените на Законот за радиодифузна дејност од лани. МРТ најавува штедење ама ќе потроши повеќе од лани?! Иако во финансискиот план на МРТ пишува дека годинава јавниот сервис ќе води рестриктивна и штедлива политика, сепак  расходната ставка во финансискиот план годинава е за 5,6 милиони евра поголема од лани и изнесува 26,5 милиони евра. Трошоци се планирани за  подобрување на програмската шема, за дигитализацијата и подмирување на долговите на МРТ. Вкупно 4,4 милиони евра се наменети за откуп на програмски права, 2,8 милиони евра за програмски трошоци, од кои најголем дел отпаѓа на сопствена продукција и копродукции но и 5,4 милиони евра за трошоци за вработените во кои освен бруто платите опфатени се и трошоците за дописниците кои известуваат од Вашингтон, Брисел и Атина. За службени патувања во земјата и странство МРТ планира да потроши 183 илјади евра. Според инвестиционата програма на МРТ за годинава планирано е купување на нови камери, линкови, транспортни возила и други  дополнителни инвестиции за што ќе се одвојат 5,7 милиони евра.  

Можеби ќе ве интересира

Двојно зголемена наплата од концесиите за руда во Македонија

Двојно зголемена наплата од концесиите за руда во Македонија

НА 75 ГОДИНИ ЗАВРШИ ВО ЗАТВОР ЗАРАДИ БРЗО ВОЗЕЊЕ: На место каде било дозволено 50, возел со 126 километри на час

НА 75 ГОДИНИ ЗАВРШИ ВО ЗАТВОР ЗАРАДИ БРЗО ВОЗЕЊЕ: На место каде било дозволено 50, возел со 126 километри на час

ДИГИТАЛНА ПЛАТФОРМА „МАКЕДОНСКО НАЈДОБРО“ ЗА ПРИСТАП ДО ДОМАШНО ПРОИЗВОДСТВО - нова кампања за јакнење на земјоделството

ДИГИТАЛНА ПЛАТФОРМА „МАКЕДОНСКО НАЈДОБРО“ ЗА ПРИСТАП ДО ДОМАШНО ПРОИЗВОДСТВО - нова кампања за јакнење на земјоделството

НА ДУШКО ЗАЕВ МУ ТРГНА БИЗНИСОТ СО СТРУЈА: Синот на експремиерот лани имал добивка од 954 илјади евра

НА ДУШКО ЗАЕВ МУ ТРГНА БИЗНИСОТ СО СТРУЈА: Синот на експремиерот лани имал добивка од 954 илјади евра

Геодети ќе ги селат казината, обложувалниците и автомат клубовите подалеку од училиштата во Македонија

Геодети ќе ги селат казината, обложувалниците и автомат клубовите подалеку од училиштата во Македонија

АКО СТЕ РЕШИЛЕ ДА КУПИТЕ СТАР СТАН: Колку пари ќе ви требаат за реновирање?

АКО СТЕ РЕШИЛЕ ДА КУПИТЕ СТАР СТАН: Колку пари ќе ви требаат за реновирање?

ЗА ДВЕ ИЛЈАДИ ДЕНАРИ ЌЕ СЕ КАЧИ ПЕНЗИЈАТА: 1.000 денари на есен, 1.000 на пролет

ЗА ДВЕ ИЛЈАДИ ДЕНАРИ ЌЕ СЕ КАЧИ ПЕНЗИЈАТА: 1.000 денари на есен, 1.000 на пролет

„КОГА ДОЈДОВ ЗА ДИРЕКТОР, ВЕРУВАЈТЕ ДЕКА СИТЕ ДЕЛНИЦИ БЕА ЗАМРЕНИ“: Трајановски открива во каква состојба ги затекнал „Државни патишта“

„КОГА ДОЈДОВ ЗА ДИРЕКТОР, ВЕРУВАЈТЕ ДЕКА СИТЕ ДЕЛНИЦИ БЕА ЗАМРЕНИ“: Трајановски открива во каква состојба ги затекнал „Државни патишта“

Мицкоски најави ново линеарно зголемување на пензиите од 2.000 денари

Мицкоски најави ново линеарно зголемување на пензиите од 2.000 денари