МУАРЕМИ ГО ВОЗВРАЌА УДАРОТ КОН РУСКОВСКА: Нека дојдат сите странски амбасади, но тие ќе го потврдат вашето неетичко работење
Објавено во: Македонија 04 Август, 2022
Русковска пишуваше синоќа, утрово и возврати Муареми. Продолжува вербалната војна меѓу првите луѓе на институциите во земјава кои го гонат високиот кримнал и корупција.
Вчера шефицата на ОЈОГОК рече дека е подготвена информациите што ги има нејзиното обвинителство и што ќе ги обезбеди за Муареми да ги сподели со јавноста, па таа нека суди кој е криминалец, а кој борец против криминалот.
Денеска утрово, пак, првиот човек на Управата за финансиска полиција, Арафат Муареми, напиша дека ако таа располага со сознанија и информации за криминал што тој го направил, тогаш со јавноста нека сподели обвинителен акт, а не празни и неосновани информации. Тој исто така во својот одговор наведува дека одговорност за, како што го нарече, самоволието на обвинителката, мора да има.
Тој во реакцијата додава дека негонењето криминал поради притисоци е кривично дело, а за честа и угледот на обвинителната вели дека е беспредметно да коментира.
Во врска со повикот на Русковска меѓународната заедница и европската обвинителка Лаура Ковеси да ги проверат сите предмети што ги работи нејзиното обвинителство и да се расчисти кој во оваа држава се бори против криминал, а кој прави криминал, Муареми одговара дека се придружува на повикот. Меѓутоа, како што вели, за меѓународната заедница да го провери нејзиното незаконско работење што го констатирал и државниот обвинител Љубомир Јовески.
-Се придружувам и јас кон вашиот повик до амбасадите и сите страни на кои се повикувате за „помош“ – нека го потврдат и тие она што јавниот обвинител на Република Северна Македонија го утврди со надзорот над вашето незаконско работење и неетичко постапување. Одговорност за вашето самоволие мора да има, вели Муареми во реакцијата.
Можеби ќе ве интересира
НОВ СЛУЧАЈ НА СЕМЕЈНО НАСИЛСТВО: Гостиварец ги претепал мајката и сопругата
КОНЕЧНО, ЗА ДЕЦАТА, МЛАДИТЕ И ТРУДНИЦИТЕ ИМА СЕНЗОРИ ЗА ДИЈАБЕТЕС: Ќе заврши боцкањето по неколку пати на ден, Диме Велев за Фактор
УБИСТВОТО ВО КОЧАНИ Е ФЕМИЦИД! Платформа за родова еднаквост бара преквалификување на делото
БЕСПЛАТНИ ЕХО-КАРДИОГРАФСКИ ПРЕГЛЕДИ НА ДЕЦА ВО „АЏИБАДЕМ СИСТИНА“
„КАНЦЕРОГЕНОТО МЛЕКО СЕ ВРАЌА ВО СРБИЈА“: АХВ вели Трипуновски лажно шири паника
МАЛАТА МАЈА МАГДАЛИНА ГО ДОЧЕКА ФИЛИПЧЕ СО НАСМЕВКА: Ја оперираше пред два дена
ПРВОТО КОЛО ОД „ЕСЕНСКА ТУРА ЗА 2WIN АВАНТУРА“ НА 2WIN.MK ВЛЕЗЕ ВО ЗАВРШНИЦА
РАШЕЛА МИЗРАХИ ЌЕ РАКОВОДИ СО АНКЕТНАТА КОМИСИЈА - пратениците ќе го истражуваат скандалот на Онкологија
МЕЧКИ НАПАЃААТ ВО МАВРОВО И РОСТУШЕ: Ќе се прогласува кризна состојба!
