НА КОГО АЛУДИРА: Путин вели дека странските служби сакаат да ја поткопаат меѓуетничката хармонија во Русија
Објавено во: Свет 20 Декември, 2023
Обидите на странските служби за дестабилизација на Русија мора да се потиснат, вели рускиот претседател Владимир Путин.
„Обидите на странските разузнавачки служби да ја дестабилизираат општествено-политичката ситуација во Русија, да ги поткопаат граѓанскиот мир и меѓуетничката хармонија, да се мешаат во нашите внатрешни работи и да го нарушат сувереното, непоколебливо право на народот на Русија да ја одреди својата иднина мора сериозно да се потиснат“, рече Путин по повод Денот на безбедносните тела на Руската Федерација, пренесува „РИА новости“.
Путин посочи дека заштитата на државните граници бара посебно внимание, „особено на оние области што се наоѓаат во непосредна близина на линијата на поделба“.
Тој објасни дека Украина, со директна поддршка на странски разузнавачки служби, тргнала на патот на државниот тероризам за саботажа на цивилни објекти и извршување терористички напади врз цивили и јавни личности.
Русија е држава со голем број етнички заедници. Инаку, руската инвазија на Украина почна лани на 24 февруари во 2022 година.