На оваа земја ѝ требаат 3000 странски работници
Објавено во: Економија, Балкан 22 Септември, 2016
За во градежништвото во Хрватска се потребни 3000 странски работници кои би ги замениле кадрите кои заминаа во странство.
Во последно време има одлив на квалификувани работници и тоа ѕидари, тесари, армирачи, керамичари и други занимања.
Од Хрватската стопанска комора велат дека поради ваквите тенденции, штети трпи градежништвото, но и целото стопанство.
Од комората додаваат дека овие работници никој не може да ги надомести, затоа што на пазарот на труд во Хрватска нив едноставно ги нема.
Во последните години во градежништвото во земјата се изгубени над 53.000 работни места.
Краткорочно на Хрватска ѝ треба увоз на работна сила, а долгорочно треба да се направи платформа за во образованието.
Лани нето платата во градежништвото во Хрватска била 4.881 куни или за 14,5% помалку од нето платата во стопанството.